Ki pulit ka East Jaiñtia Hills ynne i step da yoh ki wow kem ya uwi uwa khayi drugs deiwa ksoh ya oo ha Umtyra.
Ya uni da yoh wow kem hadien wa da tip tikna wa daw wan u da kawi ka kari kamai Sumo kawa em Number MZ-01P-2566 kawa wan na Mizoram yow lai cha Shillong deiwa rah lang yei drugs.
Kamtæ u DSP (HQ), u J. Myrom, MPS, Khliehriat Police deilang wa ki ANTF da pynsangeh kari ki ha u sarok NH6 heiwa heipor kamwa 5:00 waje i step da yoh wow ksoh ya kani ka kari.
Hadien wa kynreh ya kani ka kari da chem ya kawi ka synduk kot kawa rah u Thangsiammawia Paite kawa em 20 tylli ki khieh sabon kiwa em hapoh da i Heroin wa khia 252 gms wei da pyntikna yeini hadien wa leh yei Test wei deiwa sakhi ki paidbah katkam ki kyndon ka aiñ.
Ini i drugs toh iwa chongdor T. 2 klur.
Ya uni u bru uwa em 25 snem i rta uwa na Zuangtui, Aizawl, Mizoram da rah cha Khliehriat Police Station yow leh yei takit yow chemdien ya kiwi de kiwa emkti heini.
Na uni da yoh leh wow kem ya kawi ka Mobile Phone wa kawi ka ATM Card ka Mizoram Rural Bank.
Discussion about this post