Yoh kem ki pulit ka East Jaiñtia yei drugs Crystal Meth wa khia palat 10 Kg

Ki pulit ka East Jaiñtia Hills ynne hadien wa da tip ki wa daw em uwi uwa khayi drugs wa tip kam u Lalmungsanga da wan u na Aizwal lyngba ka Silchar yow lai cheiliang ka Khliehriat da kawi ka kari kamai Sumo wa em ya u Number AS-01KC-9188 deiwa rah ya ki mar wa pyrchah aiñ.

Kamtæ ki pulit ka ANTF da pynsangeh kari ki ha Kongong heiwa da yoh wow kem syndon ya uni u bru.

Hawa kynreh ya uni u bru da chem ya 10 tylli ki yusong napoh ka Suitcase wa rah u.

Hadien wa da dep wow leh ya ki kyndon katkam ka aiñ NDPS Act wei deiwa Test ya ini i drugs da em chem toh i Crystal Meth (Mescaline).

Related posts

Yoh kem ki pulit ka West Jaiñtia ya 5 ngut kiwa emkti wow tooh Scooty | 4 ngut kiwa dang khian rta

April 24, 2026

Da ka wait na khlieh hadooh wa yap chah pam u khynnah wa dang 3 snem pyn ha u ma u ha Umdang

April 23, 2026

Ini i drugs waroh toh iwa khia 10.16 Kg wei iwa chongdor T. 15 klur.

Uni uwa chah kem i pyrtuid wa pura u toh u Lalhmunsanga Beingaichho uwa na Aizwal, Mizoram wei na oo da kem leh ar tylli ki Mobile Phone.

Ya ini ka takit da leh da ka Khliehriat Police Station wei dang pynman yei takit yow chemdien ya kiwi kiwa emkti.