Yoh kem ki pulit ka East Jaiñtia yei Heroin wa chongdor Rs. 7.2 klur

Ki pulit ka East Jaiñtia Hills District ynne da pynman ki yei pynsangeh kari ha Rattachera Check Post wei heipor kamwa 8:00 waje i step da wan kawi ka Mahindra Pick-Up kawa ympu em Number kawa kit ya kawi ka tadong Plastic kawa 50 liter i heh.

Hawa wai ya kani ka tadong da chem wa em ki khieh wa suba toh kiwa song yaki mar wa man pyrchah yaka aiñ.

Hadien wa takit ya uwa yah kari da khana u wa da wanrah ya kini ki mar na Churachandpur, Manipur yow lai booh cha Shillong.

Uni u bru toh uwa da tip pyrtuid kam u Nehtinmang Haokip (36 snem) u khon u Janglet Haokip naka chnong M. Songgel, Churachandpur District, Manipur.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Deiwa emlang kiwa sakhi, da sai ya 84 tylli ki tadong sabon kiwa da pyntikna toh i Heroin hadien wa da dep Test.

Ini i Heroin toh iwa khia 900 gms iwa chongdor Rs. 7.2 klur.

Ki pulit da kem ki ya kani ka kari, ki mar, uwa yah kari deilang waka Mobile Phone u wei da pynngat ya oo hapoh ka aiñ NDPS.