Khliehriat: Katkam ka yutip na u SP ka East Jaiñtia Hills, u Vivekanand Singh da ong u wa ynnin ka 14 tarik heipor kamwa 12:30 i synyaaw da chem ya ar ngut ki nong Africa ha Umtyra CP.
Ya kini ki ar ngut da chem na kawi ka Night Super AS-01-HC-9034 kawa lai na Agartala cha Guwahati wei manda pynman ya ka takit da chem wa kini ym em ki kiwon kiwon ki kot ki sla wa biang wow psiah chapoh India wei da kem noh ya ki.
Kini ki ar ngut kynthup ki ya u James Obafor Omeya (32 snem), u khon u Clement Okoyo na Anika 15 Awkas Street, Anambra, Nigeria wa u Paul Chidiebare Nwoon (28 snem) u khon u John Nwoon, Aeopa Village, Lagos, Nigeria.
Hajrong ini da register ya ka case ha Khliehriat Police Station wei dang takit ya kini ki ar ngut.
Da ini i kem ya kini ki ar ngut, ki pulit ka ka East Jaiñtia Hills da yoh kem ki hadooh 24 ngut ki pharæng hapoh 3-4 bnai.
Discussion about this post