Yoh kem ki pulit ka Ladrymbai ya 41 tylli ki masi wa thmu wow chah challan tooh cha Bangladesh

by Wyrta Staff

June 13, 2019

Reading Time: 1 min read

Jowai: I challan tooh yaki masi cha Bangladesh dang joor ki heiwa ki pulit ka Ladrymbai haka 11 tarik uni u bnai heipor 9:30 i step da kem ki ya le tylli ki truck wa kit ya ki masi wa suba wow challan tooh cha Bangladesh.

Ya kini ki truk da yoh wow kem ki pulit hadien wa yoh yutip ki wa tikna wa wan ki cheiliang Ladrymbai, EJH wei da pynsangeh kari ki ha Mookhep, EJH.

Hadien ini da chem ya ki le tylli ki truck wa em ya u number ML-04C-4557, AS-01DC-1925 wa ML-04A-3557 wa yah da u Pyndapki Suchiang, Sanjay Lama wa u Bipholjoy War kiwa da kit waroh 41 tylli ki masi pyrchah yaka aiñ wow challan ki cha Bangladesh wei ki pulit da rah ki ya waroh kini ki masi.