Ki pulit ka Ri-Bhoi District da yoh ki wow kem ya u snar khayi tiar siat wei uwa khayi leh ya ki reiñ wa kiwi ki bynta i doh ki mrad khloo hei kynreh wa da pynman hapoh ka District.
Katkam ka khubor wa da yoh, uni u bru toh uwa emktilang leh wa kiwi wow chna ya ki kot thok waphær waphær yong ki chnat sorkar ka jylla.
Ya uni u bru da yoh wow kem da ki pulit ka Pillangkata Outpost waka Umiam Police Station hei lai kynreh wa da pynman ynnin i miet ka 7 tarik.
Katkam ka khubor wa da yoh na ki pulit, uni u bru wa da chah kem toh uwa na Mizoram wei uwa sah won ha 9th Mile, Baridua, Ri-Bhoi District.
Ki pulit ki da pyntip ki wa ini i kynreh da ki pulit ka Ri-Bhoi toh kawa da pynman hajrong i yoh khubor wei da tip bniah na ka Military Intelligence Unit ka Eastern Command.
Na uni u bru, ki pulit ka Ri-Bhoi da yoh ki wow kem hadooh 1001 tylli ki kuli AK-47, 7 tylli ki kuli LMG 7.62, 14 tylli ki kuli 5.56 yong ka INSAS, 30 tylli ki kuli yong ka Pistol .32, 2 tylli ki Grenade, 4 tylli ki Magazine, 34 tylli ki muhor yong ki chnat waphær waphær wa 9 tylli ki reiñ wa khlieh yong ki skai waka song poisa.
Discussion about this post