Yoh kem ki pulit ka West Jaiñtia ya 5 ngut kiwa emkti wow tooh Scooty | 4 ngut kiwa dang khian rta

Ki pulit ka West Jaiñtia Hills District da yoh ki wow kem ya 5 ngut kiwa emkti wow tooh Scooty heiwa soo ngut toh kiwa dang hapoh 18 snem i rta.

Ini waroh da sdang jia i ha ka 23 tarik uni u bnai deiwa pyntip uwi u tre Scooty uwa tip kam u Wanphida O Laloo uwa na Ummulong wa ka Scooty u kawa em Number ML-05W-6877 kawa pynyieñ u ha Jowai Civil Hospital, Ialong da chah tooh ko.

Hawa pait ki pulit yeiwa riñdur ka CCTV da yoo ya kawi ka kari wa pynemkaam kini kiwa tooh Scooty wei da pynjoor yei thooh ya kani kari heiwa da yoh wow kem ka wei da chem wa em 5 ngut hapoh heiwa 4 ngut toh kiwa dang khian rta.

Ya kini da lai rah cha Phramer Traffic Cell yow kylli takit ya ki.

Related posts

Chah tooh sa kawi ka Scooty Yamaha

May 8, 2026

Chah kem 3 ngut ki damok wa lute ya ka Truck ha West Jaiñtia Hills

May 2, 2026

Hawa takit ya kini, uwi na ki uwa dang khian rta, da phla u wa ya kani ka Scooty wa chah tooh da lai rah ka cha chnong Pdengshakap, WJH kamtæ da lai ki pulit cha kani ka thaw heiwa da chem biang ya kani ka Scooty.

Ha kani ka jooh hi ka sngi, da em leh ka ujor wa da booh da u Bastanroy Mawthoh uwa na Nongmensong, Langkyrding wa chah tooh ka Scooty u kawa em Number ML-05AF-5040 (Yamaha Ray) ka rong yong wei rong ksiar ki rims ko, heiwa ya kani leh da chem na Pdengshakap hi wei da rah ki pulit ki cha Phramer Traffic Cell yow leh yeiwa emkaam katkam ka aiñ heiwa da pynuiñ ki leh cha ki tre ki.

Neiliang ki pulit da kyntu ki ya kiwa chong chnong wow syndong bha ki kari ki ha waroh i por wei lada jia iyi iyi wow lai pyntip cha ki Police Station wa em chajan dooh lane deiwa Phone ha u 112.