Yoh kem ki pulit ya 6 ngut kiwa dai drug wa kynthup ya 3 ngut ki kynthai ha Shillong

Ki pulit ANTF ka East Khasi Hills da yoh ki wow kem ya 6 ngut kiwa dai drug wa kynthup ya 3 ngut ki kynthai deiwa yoh kem na ki 137.78 Gram i Heroin hawa pynman yei kynreh hei miet ka 6 tarik.

Ki pulit ka ANTF deilang wa ki pulit ka Laitumkhrah nyngkong da kem ki ya kawi ka Local Taxi wa em ya u Number ML-05K- 4437 na Lower New Colony heiwa da kem ya u Debojit Ghosh (28 snem), u Badonbok Marwein (28 snem), ka Ibapynhun Marwein (29 snem) wa u Macdonald Khongmalai (26 snem).

Na kini da yoh wow kem 13.54 Gram i Heroin wa 153 tylli ki tadong, 3 tylli ki Mobile Phone wei da kem leh ya kani ka Local Taxi.

Hadien wa takit ya kini da chem wa kawa khayi yei drug toh ka Deepika Roy (32 snem) kawa da kem na Laitumkhrah Main Road kawa da yah ya ki pulit cha i yung ka Archana Roy (25 snem) heiwa naka da yoh kem 57.54 Gram i Heroin, kawi ka Mobile Phone waka poisa kawa T. 1,94,975.

Na yung ka Deepika Roy wa em ha Nongrimbah Laitumkhrah da yoh wow kem ya ki yudeiñ ksiar wa 256.36 Gram, i Heroin 66.7 Gram waka poisa wa T. 19,000.

Related posts

Na pchem yung chah tooh sa kawi ka Scooty ha Jowai

January 5, 2026

Thooh ki pulit ka East Jaiñtia Hills ya u waheh chnong hadien wa yap uwi wa chah dat  

January 4, 2026

Waroh i Heroin wa da yoh kem dapoi 137.78 Gram waka poisa kawa T. 2,14,075.

Ya ka ujor da booh ha Laitumkhrah Police Station.