Ynne i step synyaw ka 20 tarik heipor 12:50 hadien wa yoh yutip na u OC ka Nongpoh Police Station wa em kawi ka kari Mahindra TUV 300 wa em ya u Number AS-01BV-8065 wa kit ko ya ki tiar tympdung.
Kamtæ da pynsangeh kari ha ka sarokbah hajan ka Out Post wei heipor kamwa 01:10 i step synyaw da wan kani ka kari heiwa da rah ya ka cha ka Out Post.
Hadien wa kynreh ya kani ka kari, da chem chiboon ki tiar tympdung napoh yong ka wei da kem noh ya ka kari kamjooh ya uwa yah ya ka u Moynul Hoque uwa na Nagarbera, Kamrup, Assam.
Ki tiar wa yoh u kem toh ki Aluminium Instantaneous Electric Detonator Class-6, Division 3 kiwa em 2044 tylli wa Neo Gel (Gelatin Sticks) kiwa em 4027 tylli.
Kani ka kari toh kawa wan na Ladrymbai yow kit ya kini ki tiar cha Assam.
