Na Thoubal District ka Manipur, ki pulit da yoh ki wow kem ya ka poisa thok wa T. 12 klur wei da kem leh ya arngut ki bru hei step ka 30-09-21.
Katkam wa pyntip ki pulit, hadien wa em wa pyntip cha ki wa em kiwa chna poisa thok, da lai ki wow kynreh ya ki yung wa em ha Keirao Wangkhem heiwa da chem ki ya iwi i trep wa khang tala wei hadien wa tympiah ya u tala da chem ya ki poisa thok tangwa da ki kot T. 1000 kiwa da yap ki wym em de krehkaam.
Heiyatoh wa ini da kem ya u tre ini i trep u Chingkam Dewan (50 snem) uwa na Keirao Ngarian. Hadien wa takit, da pynmih u yei pyrtuid u Chingakham Surchandra kiwa da phla wa da em sa uwi uwa tip pyrtuid kam u Khomdram Tombi uwa na Keirao Wangkhem uwa jooh wanrah ya kini ki posa thok deilang wa u pyrsa u uwa tip kam u Anun uwa na Waithou Thiyam Khunjao. Ya kini dang thooh ya ki da ki pulit.
Ka pulit dang takit ki wa lada ya kani ka poisa da pynemkaam yow thied Drugs na baar ri lane wow leh ya kiwi ki kaam pyrchah aiñ, pyrchah ri lane wow thok bru.
