Shillong : Ynnin ka 10 tarik heipor kamwa 4 waje i janmiet ki police ka Special Cell ka East Khasi Hills da yoh kem ki ya 4 ngut kiwa suba kynthai dakait chirup wa uwi u bru uwa man ksiang yow pynbiang chynrang ya ki yow lai leh kaam khlemakor ki.
Ki pulit da kem ki ya ki tai ki 5 ngut na Umiam Viewpoint kawa em ha Mawiong wei da kem ya ki hadien wa ki pulit da yoh yutip ki iwa tikna wa kini ki san ngut leh ki ya ini i kaam.
Heipor wa chah kem ki kini ki 5 ngut em ki hapoh ka wi ka kari kamai wa em ya u number ML 05G 8048 wei da kit ya ki cha Mawlai Police Station yow takit ya ki.
Ya kiwa chah kem da tip pyrtuid kam ka Wanda Kharsahnoh 21 snem kawa kam wa sah ha Nongmynsong Umkdait, ka Nazarine Kharumnuid 20 snem kawa kam wa na Mawlai Mawtawar Umjarain, ka Ailynti Bareh 21 snem kawa kam toh ka wa na Rynjah Nongpdeng, ka Theolina Sangma kawa kam na Umpling Laimaw wa u Dombelkut Nongrang 35 snem uwa kam na Mawlai Nongpdeng uwa man kam u ksiang (agent) wa pynbiang bru ya ki tai ki kynthai.
Discussion about this post