Yoh kem ki pulit ya kiwa pynyap ya kawa kreh ha Bank hadien uwi na ki pynemkaam u ya ka Phone ko

Hadien chi bnai wa chah tynyap kawi ka bru kawa na Assam kawa kreh ha ka Bank wa em ha Jadigittim, South Garo Hills heiwa yei metyap ko da chem da ki pulit ka Nongalbibra Police Station ha ka 30-06-24, heiyatoh wa ini, ki pulit da yoh ki wow kem ya le ngut ki bru.

Neiliang ki pulit da pynman ki yei takit deiwa thung da ka Special Investigation Team (SIT) yow chemdien yeini wa jia.

Kini kiwa chah kem da tip kam u David R Marak uwa da chah kem na Kacharipara, Goalpara Assam uwa na Ronsu Rongrigittim, South Garo Hills, u Demen Marak uwa da chah kem na Denggnangre uwa na Bajengdoba, North Garo Hills wa u Salnara R Marak uwa da chem kem na Nongchram uwa chong chnong ka Rongheng, East Garo Hills.

Kini ki le ngut toh kiwa da thmu wow sdang pynlang paaid yow lute wei wow dawa poisa na ki bru ha Garo Hills.

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Ki pulit da chemdien ki ya kini heiwa uwi na ki da pynemkaam u ya ka Phone kani ka bru wa pynyap ki deiwa pynche u ya kani ka Phone hadien boon tayaaw wa tympleh ka.

Kamtæ ki pulit da lai ki cha Nongchram, East Garo Hills yow kem ya u Salnara uwa da phla lut ya kiwi de kiwa emkti wa kyntup ya u payu u, u David.

Da khana ki wa ha katai wa miet wa jia ini, da psiah yabor ki cha yung kani ka bru deiwa pynyang suloi ka wei da lute ki ka.

Tangwa neidaw wa kani ka bru tipmit ko ya uwi na kini, da rai ki wow pynyap ka wei da mih ki na yung ko deiwa rah ya ka poisa ko deilang wa kiwi ki tiar ki tar.

Na kini ki bru da yoh u kem ya ar tylli ki Pistol, ka wait deilang waka tari kiwa pynemkaam ki yow leh yeini i kaam.