Yoh kem ki pulit ya u heh ka GNLA(R) uwa e hukum wow rahbor wei dawa poisa na ki bru

U SP ka South Garo Hills da pyntip u wa haka 22 tarik uni u bnai da chemdien ki wa uwi u bru wa tip kam u Rongsrang M Sangma (29 snem) uwa naka chnong Gittingre wa dang haap hapoh ka Baghmara Police Station, wei uni toh uwa emkti ha ki kaam rahbor wei da leh ya kini ki kaam deiwa hukum u.

Hachwa wow kem ya uni, da dep leh wow kem ya ki 5 ngut kiwi kiwa emkti wow rahbor ya ki bru wa kynthup ya u Wilban M Sangma, u Withmil S Marak, u Sengsrang Ch Marak kiwa waroh ha South Garo Hills neitæ u Tengsrang Ch Marak wa u Aiber N Sangma kiwa na West Garo Hills.

Da pyntip leh wa u Rongsrang M Sangma toh uwi na ki dkhot ka GNLA(R) wei hei pyrtuid kani ka seiñ da emkti u leh wow dawa poisa wei wow rahbor ya ki bru ha South Garo Hills.

Deiwa kem ya kini ki 6 ngut da ye wow pyndooh noh ya kini ki kaam damok hapoh ka District.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026