Yoh kem ki pulit ya u pa nah wa slaitbor ya ka khon nah hadooh wa punkhon

Ki pulit da yoh ki wow kem ya u pa nah uwa slaibor ya ka khon nah kawa dang 15 snem hadooh wa da punkhon ko heiwa ka Medical Report da pynyoo wa da punkhon ko la 6 bnai.

Ya uni u pa nah uwa tip kam u Stoning Kharpuli (38 snem) da kem ynnin ka 7 tarik na Ri-Bhoi District, hadien wa da yut u la kattu katni por.

Katkam wa khana u Superintendent of Police (City), u Herbert Kharkongor, ki pulit ka Mawlai da yoh FIR ki ha ka 1 tarik uni u bnai na kawi ka manbei wa da punkhon ka khon ko hadien wa chah slaitbor ko boonsien ha u pa nah ko.

Kamtæ da thooh ya uni u bru nyngkong ha Umrynjah wa ha Rangshkhen da ki pulit wa Mawlai wa Mawngap hadien wa pyntip wa em u ha kini ki thaw tangwa ym em chem oo.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Hadien won deiwa thooh bniah ki pulit ka Special Cell da yoh wow kem ya uni u bru da ki pulit ka Umsning na Syad, Ri-Bhoi ynnin i miet.

Neiliang u SP da pyntip u wa da pynngat ya uni u bru hapoh ka kyndon (j)(ii)(l)(n)(p)/6 ka POCSO Act wa Section 351(2)BNS, 2023 wei daw lai rah noh oo cha ka yung kasari.

Heiyatoh wa ka khynnah da pyntip wa daw lai yah hakhmat ka yung bichaar yow chim yeiwa khana ko yeiwa jia ya ka.

Puræ leh: Punkhon kawa dang 15 snem hadien wa chah slaitbor ha u pa nah