Ynnin ka sngi, ki pulit ka Khliehriat Police Station hadien wa da tip ki yeiwa em uwa dai Drugs uwa tip kam u Kheinkor Muliar (23 snem) uwa na chnong Mookympad uwa em ha thaaiñ Soo Kilo uwa da uiñ da ka kari Alto (rong lieh) kawa em Number ML-06A-0621, kamtæ deiwa emlang kiwa sakhi da kynreh ya oo heiwa da chem ya kawi ka yusong Plastic kawa em i lakit rong umsoh kiwa da suba toh i Heroin.
Da chem leh ya iwi i tadong Golden wa thylli wa 25 tylli ki thyrnia.
Hadien wa Test ya ini i lakhit deiwa pynemkaam da ka NDPS Test Kit da pyntikna wa toh i Heroin wa khia 1.37 gms.
Katkam wa pyntip ki pulit, uni u bru toh uwa dai Drugs ha yaaw Soo Kilo wa kiwi ki thaw wa em chajan wei da kem noh ya oo hapoh ka aiñ NDPS Act heiwa ynne da lai yah oo hakhmat ka yung bichaar.
Discussion about this post