Hadien wa yoh ya ka FIR ynnin ka sngi yeiwa chah tooh iwi i yung wa em ha Riatsohkhlur, Nongkseh, Upper Shillong, neiliang ki pulit ka East Khasi Hills da yoh ki wow kem ya uni uwa tooh na Iew Ajmera ynne ka sngi.
Uni u bru toh uwa tip kam u Evertumshine Eawphian (24 snem), wei na oo da chem yei ksiar, kawi ka Redmi Note-10 Mobile Phone wa ₹10,000 ka poisa wa chah tooh.
Kam wow pynkynmoo wa yei dur uni u bru da yoh wow riñdur da ka CCTV heipor wa psiah u chapoh i yung kawi ka bru hei step ka 30 tarik heiwa da yoh leh wow yoo wa tooh u.
Hadien wa phla uni u bru, da chem yei sahchkoor ksiar wa kawi ka sahkti ksiar na uwi u dooid hajan ka 101 Area Bus Stand.
Ya ka Case da booh ha Lumdiengjri PS deiwa pynngat hapoh ki kyndon namo ka Section 305(a)/331(4) ka BNS wei ka takit dang lai ko yow tip lada em kiwi de kiwa emkti.
Discussion about this post