Yoh kem ki pulit ya uwi wa thied suloi na u Heli Suchiang

Jowai : Ha kani ka tayaw wa da dep ki pulit ka Jowai Police Station da yoh ki u kem ya ki suloi wa ki pistol na yung uwi u bru wa 70 snem i rta wa tip kam u Heli Suchiang.

Uni toh uwa chna ya ki boon jait ki suloi kam ki SBBL, ki DBBL wa ki revolver ha yung u iwa em ha chnong Muloom, West Jaiñtia Hills.

Hadien wa kem ya u Heli wa u lok u, u Da-U-Ru Suchiang ki pulit da chem dien ki leh wa da dai ki leh ya ki suloi cha ki paidbah iwa man pyrchah yaka aiñ.

Related posts

Chah pynyap uwa na Assam pyn ha ki lok u ha Gujarat | Thang ki yei dur u yow lait u em wa tipmit

August 10, 2025

Yoh kem ki pulit ka West Jaiñtia Hills ya uwa myllien wow tooh thuk-thuk

August 6, 2025

Ha kani ka tayaw wada dep na yung u Heli da yoh kem ya 6 tylli ki revolver wada chna pynda oo hi, 6 tylli ki suloi SBBL, 2 tylli ki DBBL, ki tiar chna ya 4 tylli ki suloi SBBL wa yaki ar tylli ki pipe wa pynemkaam chna ktang suloi.

Hei yatoh weini ki pulit da kem ki ya uwi u bru na Changpung Khliehrangnah uwa tip pyrtuid kam u Wellting Niang deiwa chem wa em u ya kawi ka suloi wa thied u na u Heli kawa man leh ka tiar wa da chna da u ma Heli pyrchah ya ka aiñ.