Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

Ki pulit ka Anti-Narcotics Task Force (ANTF), Meghalaya da lai kynreh ki yei thaw sah uwa khayi drugs wa snar bha uwa tip kam u Rahul Chhetri ha Lower Rynjah, Shillong heiwa da yoh wow kem chiboon bha i drugs.

Na ini i yung da chem 2060 tylli ki kuli Nitrazepam wa chongdor Rs. 8,24,000 neitæ 23 tylli ki khieh sabon wa em Heroin hapoh wa khia 237gms wa chongdor Rs.47,40,000 wei da yoh leh ka poisa wa Rs. 27,300.

U Rahul Chhetri da yohlaad u wow yut da ka kari Maruti Ertiga wa em Number ML-10B-5347 mar ya yoo u ya ki pulit wei dang thooh ya oo.

Da kem leh ya ar ngut ki bru heiyatoh wa ini i kaam.

Related posts

Yoh kem drugs ki pulit na Lum Survey deilang ki bru kiwa suba toh kiwa na baar ri

February 18, 2026

Chah tooh biang sa kawi ka Scooty na pchem yung ha Jowai

February 16, 2026

U Rahul Chetri toh uwi na ki dkhot ki bru wa emkti yei chalan drugs na kawi cha kawi ka jylla.

Lada em kiwa tipmit wa yoo ya uni u bru næ kiwa tip chaphang ini i kaam ye ki wow lai pyntip cha ka Meghalaya ANTF wei daw murieh yei pyrtuid ki najrong wow e khusnaam ya ki.