Hei yoh kem da ki BSF ha kiwa boon thaw khappood ka Meghalaya wa Bangladesh haka 7 tarik uni u bnai, da ye wow pynsangeh ya kiwa thmu wow khayi masi, chini wa ki dawai biah khmat kiwa chongdor palat Rs. 15 lak.
Ki chipai ka 4 Bn BSF Meghalaya da yoh ki wow kem ya chiboon bha ki dawai biah khmat na khappood ka East Khasi Hills District wa Bangladesh kiwa da e kti cha ki bru ka chnat Customs yow leh ki yeiwa emkaam.
Ki chipai ka 193 Bn BSF won da yoh ki wow pynlait ya 8 tylli ki masi na BOP Dulainala, EKH kiwa da thmu wow chalan tooh cha Bangladesh.
Neitæ won ki chipai ka 200 Bn BSF Meghalaya deiwa ya krehlang wa ki pulit ka Meghalaya da yoh ki wow kem chiboon i chini iwa da pynlang ha iwi i yung wym em de wa sah ha khappood ka South Garo Hills wa Bangladesh.
Yeini i chini da e kti cha ki pulit ka Rongra yow leh yeiwa emkaam.
Discussion about this post