Ka KSU Moodymmai Unit da yoh ko wow kem ya ki nong Bangladesh wa da poi pyrchah ya ka aiñ deiwa ya krehlang waka Wahiajer Unit waka Jowai Circle.
Na ka Moodymmai Unit da em u Jerymaia Laloo kam u dkhot wa na Wahiajer Unit da emlang u General Secretary u Daio Pale wei naka Jowai Circle da em u Phraki Thubru, General Secretary wa ki dkhot wa kynthup ya u Binus Syngkon.
Ka seiñ da pyntip ko wa ya kini ki nong Bangladesh da pyrchang wow yang nadooh Ummulong tangwa neidaw wa smat palat ka kari da yoh kem won hadooh Phramer.
Neiliang ka seiñ da pyntip ko cha ki pulit yong ka Phramer Traffic Cell wow leh ya iwa emkaam.
Ka seiñ da e ko leh da ka FIR hajrong ini wow dawa pynuiñ noh ya kini cha Bangladesh khnang wym jia iwon iwon wa sñiawsih heiwa ka seiñ da ong ko wa ym em ko yei thmu wow pynmong ya ki.
Kini ki nong Bangladesh da em ki hadooh 7 ngut, 4ngut ki chynrang kawi ka kynthai wa 2 ngut ki khynnah
Hajrong ini, ka seiñ da ong ko wa lada ka aiñ ym ye ko wow kdoh u khoom ya kam kini ki jait kaam wa pisah pyrchah ya ka aiñ, ka seiñ ym elaad ko ya kiwa na baar ri næ baar jylla wow psiah ki pyrchah ya ka aiñ da kammon kammon leh.
