Yoh kem ya ki suba HNLC wa dawa poisa 5 lak na u mahajon ha Amlarem

Jowai : Ha ka janmiet yong ka 13 tarik ha ka chnong Amlarem ki pulit da yoh kem ki ya ki arngut ki bru wa dawa poisa na uwi u mahajon.

Katkam ka khubor wa tikna da ong wa uni u mahajon da yoh u ya ka chithi dawa poisa (Demand Note) wa em ka Letter Head yong ka Hynñiewtrep Liberation Council (HNLC) nadooh u Kmaichonglad (December) heiwa da dawa leh T. 5 Lak, da thoh leh wa lada ym ye u su daw tynyap ya uni u mahajon.

Hadien ini uni u mahajon da pyntip u cha ki pulit kiwa da sooh buit yow yoh u kem ya kini kiwa dawa poisa.

Ha kani ka 13 tarik wa dep da pynbait thaw wow su noh ya kani ka poisa ha Amlarem. Ki pulit ka Amlarem deilang wa ka “Special Team” da yang rieh ki ya kini ki arngut.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Heipor wa wan chim kini ki arngut ya ka poisa na uni u mahajon u wa wan harood surok da mih ki pulit yow kem ya kini ki arngut.

Ya kini ki arngut da tip pyrtuid kam u Ngai Bareh 36 snem (na ka tidiang ha i dur) u wa man leh kam u Surrendered HNLC wa u Pynbiang Lyngdoh 20 snem uwa ong wa oo toh wa wan pynyoh lok hi eh ya u Ngai.

Kini ki arngut toh na ka chnong Nongtalang. Ki pulit leh da suba wa u Ngai ye u man wa da em biang u wa ka HNLC neibhah wa ka chithi dawa poisa toh ka yong ka HNLC paka.