Jowai : Katkam ka yutip wa yoh na ki police da pyntip ki wa da yoh kem ki ya uwi u bru hei yatoh i chah tooh ki 16 tylli ki mobile wa ka poisa T. 20,000.
Ya uni u bru da kem hadien wa booh ujor (FIR) u Dhramendar Kumar wa ha ka miet yong ka 6 tarik uni u bnai heipor 7 waje i miet da em ki bru wa tympiah ya ka yit dwar kari yong oo ka Maruti Eeco kawa pynyieñ ha jan Thomas Jones College heiwa hapoh ka kari yong oo da em 16 tylli ki mobile ka Company Spice kiwa chongdor waroh T. 44,311. Kamjooh leh hapoh kari em ka poisa T. 20,000 kiwa da rah lut kiwa tooh.
Ki police hei takit yong ki da kem ya u Kynton Kynjing ynne ka sngi uwa na Panaliar heiwa na oo da yoh ki 12 tylli ki mobile.
Sa ya uwi uwa suba emkti heini i tooh uwa tip kam u Teibor Rymbai uwa da myllien u tooh won ym pu em yoh kem ki ya oo.
Discussion about this post