Yoh ki 14 tylli ki skur ka West Jaiñtia Hills ya 200 tylli ki Computer

Kam chibynta wow yarap ya ki skur ka West Jaiñtia Hills wow e sikai ki heiyatoh wa ki Computer, da saam 200 tylli ki Computer cha ki 14 tylli ki skur wa em hapoh ka District ynne ka sngi ha ka yalang wa da pynman ha Conference Hall ka yung krehkaam u Deputy Commissioner ha Jowai.

Ya kini ki Computer da thied hapoh ka PM-Khannij Kshetra Kalyan Yojna (PM-KKKY) Scheme deiwa pynlut da ka poisa napoh ka District Mineral Foundation (DMF) Fund, wei u pynemkaam ki ha ki Secondary wa Higher Secondary School.

Neiliang u MLA ka Jowai uwa man leh u Chairman ka MUDA, u Wailadmiki Shylla da wan u wow e kti ya kini ki Computer wei hawa e yei klam da ong u wa ha kani ka pyrthai Digital wa katni da emkaam wow tip u pynemkaam Computer, kamtæ da yooluti u wa kini waroh daw yarap ki wow pynku ya ka puræ puthi wei wow pynkhreh ya ki khynnah neibynta ka mynried yong ki.

Da pynchlur u leh ya kiwa sikai skur wo wan ki chakhmat lada em iwon iwon i duna wa chem ki yow ye u e yarap ya ki. 

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Neiliang u Deputy Commissioner, u Abhinav Kumar Singh da pyntip u wa daw pynman leh ya ki Certificate Course yong ka Microsoft hadien kam chibynta ka Second Phase heiwa daw jied uwi uwa sikai na kawi ka skur. 

Da ong u leh wa kawi na ki thong toh yow pynchlur ya ki khynnah wow puræ Computer ki neibhah duna bha kiwa jied wow puræ Computer Science hapoh ka District. 

Ki skur wa da yoh ya kini ki Computer toh ka Sohkha Government Higher Secondary School kawa da yoh 17 tylli, ka Government Boys’ Higher Secondary School, Jowai kawa da yoh 23 tylli, ka Kiang Nangbah Government Higher Secondary School, Jowai kawa da yoh 26 tylli, ka Government Girls’ Higher Secondary School, Jowai kawa da yoh 20 tylli, ka Jowai Public School Jowai wa ka Government UPS Mowkaiaw & RMSA kiwa da yoh mar 13 tylli. 

Kiwi de ki skur wa da yoh toh ka Shangpung RMSA Secondary School, ka Jowai RMSA Secondary Schoool, ka Government Senior Basic & RMSA, ka Higher Secondary School Mynso wa Nongtalang Government Secondary School kiwa da yoh mar 12 tylli neitæ won ka Shkenpyrsit UP SSA & RMSA Secondary School, ka Mustem SSA UP & RMSA Secondary School, ka Barato Government UP & RMSA Secondary School wa ka Trangblang Government UP & RMSA Secondary School kiwa da yoh mar 10 tylli ki Computer.