I saam Tin yung u Symbood Montri Rangbah uwa man leh kam u MLA ka Nartiang Constituency da pteiñ i sa ha chnong Saitsama wa ha Namdong-B.
Neiliang kiwa chong chnong ka Saitsama da pynsñiaw ki yei sñiawngooh wa khroo ya u MLA wa smat u wow yarap ya ki neipor cheipor, kamtæ da e ki yei kyrkhu kyrdoh wow nang ye chooh chooh u wow kreh chitom neibynta ki kaam wa bha hapoh ka Constituency wei kamjooh leh hapoh ka jylla hi waroh kawi.
Kiwa chong chnong ka Namdong-B leh da e khublei ki wei da pynsñiaw ki yei sñiawngooh ya u Sniawbhalang Dhar.
Neiliang u Philimon Shylla wa u Bhabok Sungoh da kitbok kitrwiang ki ya u Sniawbhalang yeiwa da e yarap u cha ki yung wa dooh wa duk yow yoh u leh yei doh i pran wa chait wa khiah yow pteiñ chooh chooh u ya ki kaam wa bha kam uwa yahkhmat wa em yei kitkhlieh.
Discussion about this post