Ka Pt. Ka Deen Dayal Upadhyay Community and Skill Development Centre, Wahiajer kawa man ka College yong ka North-Eastern Hill University (NEHU) da pynman ko ya ka e sikai ya ki warep ka Ri-loom Jaiñtia kawa tip kam ka “Skill Enhancement for Horticulture Development” deiwa ya krehlang wa ka chnat Horticulture, NEHU Tura Campus deiwa kyrchaan da ka ICAR-IIHR, Bengaluru.
Ha kani ka e sikai da em hadooh 250 ngut kiwa chimbynta kiwa kynthup ya ki warep deilang ki khynroo khyllood, kiwa lai puræ wa kiwa chah khut sñiawbha.
Kiwa sikai kynthup ki ya u Prof. C. P. Suresh na ka chnat Horticulture, NEHU, Tura Campus deilang wa ka Risakaru Lyngdoh kawa man kam ka bru chemphang ka Agronomy, KVK, Wahiajer.
Ha ka sngi pynkup burom ya kiwa da pyndep yei chah sikai da wan wow emlang da u Sniawbhalang Dhar, Symbood Montri Rangbah ka jylla kam u kongsan deiwa sakhilang u Prof. S. Umdor, Pro-Vice-Chancellor, NEHU, Shillong, u Prof. S.K. Dixit, Registrar I/c, NEHU, Shillong, u Dr. F.R. Sumer, Principal I/c, DDUCC, u Prof. H. Lamin wa ka Prof. S.M. Sungoh, Former Principal I/c, DDUCC, u Sanwotki Laloo, Headman, Wahiajer, u Reformingson Lamare, MDC wa kiwi kiwi de.
U Sniawbhalang hawa e yei klam da pynsñiaw u yei kmen wow yoo wa da pynman kam kani ka e sikai yow yoh myntoi kiwa boon ha ki jait kaam rep wei da pynchlur u ya ki wow pynemkaam yeini wa da tip thymme ki neibynta ka mynried yong ki.
Da kular u leh wow e kyrchaan ya kani ka Community College.
Ka thong kani ka e sikai toh yow pynsñiawthooh yei pynemkaam ya ki IIHR Technology yow man ki mar rep kiwa miat wa bha.
Ha kani ka sngi da saam leh ya ki mar rep wa ki symbe cha ki 250 ngut kiwa chimbynta.
Discussion about this post