Ki 8 tylli ki Beach ka India, ha ki 5 jylla wa 2 tylli ki Union Territory, da yoh ki yei naam “BLUE FLAG” na ka thup ki ri waphær waphær namo ka International Jury wa kynthup leh ya ka UNEP, UNWTO, FEE, IUCN wa kiwi kiwi.
Kini ki Beach wa da yoh ya ini i naam ‘BLUE FLAG” kynthup ki ya ka Shivrajpur (Dwarka-Gujarat), Ghoghla (Diu), Kasarkod wa Padubidri (Karnataka), Kappad (Kerala), Rushikonda (AP), Golden (Puri-Odisha) wa ka Radhanagar (A&N Islands).
Ka India da yoh ko leh yei kyrdan wa 3 na ka International Jury ya i naam “International Best Practices” neibynta i khooid i jngiar namo Pollution Control ha rood duriaw.
Neiliang u Union Minister of Environment, Forest and Climate Change, u Prakash Javadekar da ong u wa ini man i wow sah parom neibhah wa ym jooh em ka ri wow yoh hadooh 8 tylli ki Beach wow yei naam ‘BLUE FLAG”.
Ka India da man ko leh ka ri wa nyngkong ha ka thaaiñ Asia-Pacific wow yoh yeini i naam hapoh 2 snem, da ong u Javadekar.
Chooh chooh kam wow kdaw heini, ka Japan, South Korea wa UAE toh du ki ri Asia wa yoh ya ini i naam Blue Flag tangwa itæ leh hapyrdi 5- 6 snem.
Deiwa yoh yeini i naam, ka India da man ko kawi na ki 50 tylli ki ri wa yoh yei naam “BLUE FLAG” heiwa u Javedkar da kyrmen u leh wow yoh ki 100 tylli ki Beach yeini i naam ha ki 5 snem wow wan.
Ka India nadooh u snem 2018 da sdang ko wow pynkhooid wei wow pynmiat ya ki Beach wa em ha ka ri wei ha kani ka kynti da ye ko u tyrwa yei pyrtuid ki 8 tylli ki Beach khnang wow yoh ki ya ini i naam.
Neiliang ka SICOM, MoEFCC, da sdang ko ya ka “Sustainable Development” ha ki rood duriaw ka ri deiwa sdang ya ka program “BEAMS” (Beach Environment & Aesthetics Management Services) hapoh ka ICZM (Integrated Coastal Zone Management).
