theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Yoh ki manbei ka chnong Namdong yei pynsñiawthooh hajrong ki aiñ neibynta ki kynthai

Advertisement ad1

Ynnin ka sngi ka 25 tarik ka khlieh bichaar yong ka yung kachari ka M. Kharsyntiew MJS, Chief Judicial Magistrate kawa man leh ka Secretary, District Legal Service Authority, West Jaiñtia Hills District, da pynman ki ya ka yalang pynsñiawthooh ya ka aiñ neibynta ki kynthai ha Dorbar Hall ka chnong Namdong-B kawa da wan wow embynta lang da boon ngut ki manbei kiwa da wan wow chimbynta ha kani ka yalang pynsñiawthooh paidbah neibynta i hok yong ki kynthai ha ka imlang sahlang wei da wan wow sakhi lang leh da ki kattu katni ngut ki manpa ka chnong Namdong.

Ya ka yalang da pynlai da ka Chief Judicial Magistrate wei da yoh leh yei klam pdiang burom na u D.S. War uwa da pynsñiaw leh yei kmen wa khroo khnang wa ki manbei wa ki khon kynthai yong ka chnong u yoh ki yei tip hajrong i hok yong ki kynthai.

Da yoh leh yei klam wa i batai hawa yatoh wa i hok yong ki kynthai na ka Melody War kawa man kam ka muktiar wa na ka Annie Sohtun, Coordinator Meghalaya State Commission for Women.

Ha kani ka pynsñiawthooh, neiliang yong ki manbei manpa kiwa da wan chimbynta da chibynta lang ki deiwa kylli yei wym sñiawthooh ki.

Da pynkut ya ka yalang da ki kyntien e khublei na u John Paul Lypon, Para Legal Volunteer.

Share this:
Previous

Khih u khmi wa khlanbor 6.1 wa sdang na Mizoram

Next

E yarap ka FKJGP Thadlaskein Circle cha ka manyung wa iñ yung ha Ummulong