Ka Dr. J.N. Shullai, Director MCSWA hei janmiet ka 26 tarik da yachem kyrpang ko ya ki manbei ka Dorbar Chnong Loomkyrwiang ha Yungwalieh hei emlang u General Secretary ka Loomkyrwiang Dorbar Chnong, u S.D. Laloo najrong kiwi ki manbei manpa na kiwi ki dong.
Hajrong ka thong wei thmu yong kani ka yachemlang, ka Dr. J.N. Shullai da kdar ko wow khana, pynsñiaw hapyrdi ki manbei chaphang ka Drop-In Cum Day Care Centre kawa em ha Lion Mission Compound Dorbar Chnong kawa man ka thaw wa em hei peit i pynlai yong ka Mihmyntdu Community Social Welfare Organisation (MCSWA) kawa da e yarap poisa na ka chnat krehkaam yong ka Social Welfare ka sorkar Meghalaya.
Ka Dr. J.N. Shullai, khana ko leh wa ha kani ka Drop-In Cum Day Care Centre ki manbei manpa wa da heh i rta næ Senior Citizen, u yoh makna ki u leh ya ki Test chini, Test BP man-ka-sngi, u em leh ka thaw leh Exercise yow jra i doh i pran yow chait u khiah i man i long yong ki wei wow em leh ka Check-Up næ i pait i sylli yei chait i khiah yong ki man-ki-por.
Chooh chooh neiliang ka Dr. J.N.Shullai da klam pynsñiawthooh ko leh ya ki manbei manpa chaphang kammon u leh yow man kiwa chait wa khiah hei doh i pran, hei thij i pyrkhat wei man i long wa miat wa bha.
Discussion about this post