Kam chibynta wow pynsñiawthooh ya ki aiñ wa thymme ka ri namo ki New Criminal Laws, neiliang ka yung krehkaam u SP ka West Jaiñtia Hills da khut yalang ko ya ki VDP deiwa pynman da ka VDP Rally ha District Library Auditorium, Mynthong, Jowai ynnin ka sngi.
Ya kani ka yalang da pynlai da ka C.W. Lyngdoh, MPS Addl. SP (C), WJH wei da wan leh wow embynta lang wa ka B. Blah, MCS, ADC kam ka kongsan heithaw u Deputy Commissioner, deiwa emlang u C. Syrti, MPS, Superintendent of Police, u Dr. V.D.S. Rymbai, MPS Addl. SP (HQ), u D. Pandey, IPS SDPO Amlarem, u A.J. Sangma, MPS DySP(L/O), ki OC, ki IC ki Police Station wa Out Post deiwa sakhi leh kiwi ki heh sorkar.
Ki dkhot ki VDP wa da wan wow embynta da wan ki na 97 tylli ki chnong kiwa da yoh wow ya phyllu wei wow kylli yei wym che ki yei kaamram yong ki katkam ka aiñ.
Neiliang u Officer In-charge ka Jowai Police station, u Inspector S. Manner da batia u chaphang kini ki aiñ thymme heiyatoh wa i rukom krehkaam ki VDP heiwa ki VDP leh da yoh ki wow pynsñiaw yei eh i khoo yong ki wei da yaklam leh kammon wow lai chakhmat.
Da batai leh chapang i rukom krehkaam ki bru wa tyngkheiñ aiñ kamjooh ki buit ki budia ki wei kammon u leh yow lait na kini waroh kamjooh wow lai khana cha ki para chnong ki heiyatoh wa ini waroh wa da yoh pynche ki.
Discussion about this post