Jowai: Kam chibynta ka Project wa pynkrehkaam ka SURE deiwa ya krehkaam lang wa ka NESFAS kawa e pyrtuid “No one shall be left behind initiative”. Kani ka Project toh chaphang wow pynneh pynsah yaki baam tynre wei wow pynim biang ya kiwa da dooh jait.
Heiyatoh wa ini, ka seiñ da yoh ko wow chna ya ki Local Group ki wow khut kam ki Participatory Guarantee System (PGS) wei da em ki seiñ ki warep wa em 5 ngut chaneiñ ki warep kiwa da tipmit kam kiwa ym em pynemkaam sboh dawai kiwa chna da u bru kiwa da rep da ki sboh wa da e ka rymaw.
Nadooh u snem 2018 wei hadooh katni, ka SURE da yoh ko wow pynkha hadooh 9 tylli ki PGS, wei ha ka 17 tari uni u bnai, da yoh ki yaka Organic Certificate naka Participatory Guarantee System Council (India).
Kini toh kiwa nyngkong dooh na ri-loom Jaiñtia kiwa da yoh yaka Certificate, kawi na Mulum, kawi na Mukhap, 2 tylli na Mynso kiwa haap hapoh ka Laskein Block, 2 tylli na Shkenpyrsit kiwa haap hapoh ka Amlarem Block wa 2 tylli na Muphlang wa kawi na Mustem kiwa haap hapoh ka Thadlaskein Block.
Discussion about this post