theme-sticky-logo-alt
theme-logo-alt
Advertisement ad1

Yoh kiwa chna kchu ka Larnai wa Tyrshang yei sikai naka Indian Institute of Packaging

Advertisement ad1

Ka e sikai wa ar sngi kawa tip kam ka Capacity Building Training on Packaging of Pottery neibynta ki warep ka chnong Larnai wa Tyrshang da sdang ya ka ynnin ka 25 tarik wei da pynkut ynne ka sngi ha High winds, Hotel, Thadlaskein kawa pynman da ka District Industries Commerce and Industries Centre, Jowai. 

Ya ka bynta wa wai ya kani ka esikai kammon wow song ya ki kchu yow pynlai yaw ki, da emlang u Additional Deputy Commissioner, P.K Boro kam u kongsan wa u Deputy Director Commerce & Industries Centre, Shillong Meghalaya u M. L. Wanshnong kam u uwa chah khut burom.

Ya kani ka e sikai da pynman da ka Indian Institute of Packaging Kolkata Centre deiwa kyrchaan ka Department of Commerce, Ministry of Commerce & Industries, ka sorkar India deiwa ya krehlang waka sorkar Meghalaya lyngba ka chnat Commerce & Industries.

U P.K. Boro hawa e yei klam da ong u wa ki tre chnong kiwa chna tiar chna tar kam na Tyrshang wa Larnai toh kiwa embhah wow yoh yei sikai na ki bru wa chemphang kiwa da wan nadooh na Mumbai wa Kolkata wow pynyoo kammon wow song ya ki mar yow yoo chongdor ki wei yow ye leh u dai deiwa yoh nong kamwa da leh ya u Chyrmit Lakadong khlem wa hap emkaam ya ki dalal neibhah ki warep chyrmit da ye ki wow dai bait cha kiwa thied.

Kamtæ da pynsñiaw u yei sñiaw sarong ya kiwa chna kchu na Tyrshang wa Larnai kiwa da ye u pynneh ya i rukom chna ki warim wajah kamjooh ya ini i laad yarap wa da leh da ka chnat Commerce & Industries ka sorkar Meghalaya deiwa wa ong wa kani ka kaam u kaap ko chakhmat yow man ko leh kawa yoh nong ha ki por wa wan.

U Bidhan Das, Deputy Director & Branch Head, Indian Institute of Packaging, Kolkatta hawa e yei klam pdiang sñiawbha da khana u iyi emkaam wa i myntoi wa yoh manda song bha ya ki mar. 

I thong kani ka e sikai najrong wow pynyoo kammon wow song pynmiat da pynyoo leh kammon u song yow lait u piah u pra ki mar manda kit ya ki na iwi i thaw cha kiwi yow ye leh u dai hei dor wa yoh nong.

Neiliang u General Manger District Commerce & Industries Centre, Jowai u P. Toi da pyntip u wa ya kani ka yalang da pynman kam chibynta ka ‘Azadi ka Amrit ka Mahotsav’ i lehkmen yei dap 75 snem i yoh laitlooid ka India.

Kiwa da emlang ha kani ka sngi toh u Bidhan Das, Deputy Director & Branch Head Indian Institute of Packing, Kolkatta Centre deilang wa ki bru yong oo u Rahul B Tripude, Deputy Director, Indian Institute of Packaging, Mumbai, u Saroj Kkumar Meher, Technical Officer, Indian Institute of Packaging, Kolkata, u P. Toi, General Manger, District Commerce & Industries Centre, ka S.E Kharpran, Functional Manager, DCIC, Jowai wa ki wakreh ka DCIC, Jowai.

Advertisement ad1
Share this:
Previous

Pynkhooid ka Dongmihsngi, u DSO waka WJDSA yaka madan Kiang Nangbah Stadium 

Next

Ki paidbah ye ki wow pyntip sorkar yei tih mooyong pyrchah aiñ lyngba u Toll Free Number