Hajrong ka thong wa kammon u tip ya ki laad e yada kamjooh u yarap ya kiwi hawa wan i bor pynjæd pynpra ka rymaw, ynne ka sngi ka Thomas Jones Synod College Jowai Disaster Management Cell da pynman ko da ka e sikai wa kyrpang ya ki khynroo khyllood wa puræ kani ka College lyngba ka Mock Drill wa da wan pynyoo pynsñiawthooh da ka yung krehkaam ka Civil Defense Jowai.
I rukom pynsñiawthooh toh deiwa pyndur khih khmi ha kani ka College, wei mar ya khih khmi waroh ki khynnah skur da rieh ki hei thaw wa chngaaiñ wa lait nei haap i oor.
Neitæ kiwa sikai ha ki kamra waphær waphær da phah mih ki ya ki khynnah cha lait wei hadien wa ñiaw da chem ki wa em kiwa wiar kamtæ wut wut da pyntip ki cha u Principal.
U Principal hadien wa dep pynbna cha kiwa puræ kani ka College lyngba ka tanghæng wym toh u tieñ sar ki tangwa u chong hei thaw wa chngaaiñ, heijooh i por da phah u leh wut wut yaki Volunteer kani ka College yow li e yarap ya kiwa mynsoo.
Wei neidaw wa dang em chooh ki khynnah wa wiar, neiliang u Principal da pyntip won u sa cha ki Civil Defense heiwa mar ya poi da lai pynlait ki sa ya kiwa sahkut.
Kamtæ hadien wa dep lut waroh i kaam, neiliang u Principal da e khublei u ya waroh kiwa embynta u yarap khamtam leh ya ka chnat Civil Defense.
