Jowai: Ka pynsñiawthooh paidbah hajrong ka aiñ POCSO Act, 2019 neibynta kiwa puræ ka Thomas Jones Synod College, Jowai da pynman ynne ka sngi ha kani ka thaw puræ da ka Meghalaya State Legal Service Authority, Shillong deiwa ya krehlang waka Department of Justice, Ministry of Law and Justice, Government of India.
U Albert Sngi Lyngdoh, Project Coordinator ka Legal Literacy Campaign, Department of Justice, Ministry of Law and Justice, Government of India da ong u wa ka thong kani ka pynsñiawthooh toh yow e yutip cha kiwa lai puræ chaphang ka POCSO Act, 2019, yow tip ki kammon e yada kani ka aiñ, i krehkaam ko wei kamjooh kammon wow ujor wei wow yieñ yei hok yong ki.
Ka D. Sohtun, MJS, Secretary of District Legal Service Authority da klam ko leh yaka POCSO Act, kammon yada ko ya ki khynnah wei i pynchitom ya kitu wa chim kabu ki.
Ka SI I. Kharpran, Officer In-Charge POCSO da khana ko ya kiwon ki jait tba wa hoi wa kiwon ki jait wym hoi kamjooh wym toh u chah pynbiej ha ki kular kiwa thmu u chim kabu.
Da saam leh ya ki kot lakdop cha waroh kiwa embynta kiwa batai chaphang kani ka aiñ wei ki bru chemphang leh da jubab ki ya iwa kylli kiwa chimbynta deiwa sneiñ ya ki wow man kiwa husiar hawa pynemkaam ya ki Social Media, wei wow yait na kiwa Phone kiwa chukor ya ki bru kamjooh wym toh u chaniah ya ki bru wa ym tipmit.
Da emlang leh ka B. Syiemlieh, Assistant Project Coordinator Legal Literacy Campaign kamjooh kiwa sikai ka Thomas Jones College.
Discussion about this post