Kiwa yah Truck ka West Jaiñtia Hills District da yoh ki yaka yong ki hi ka seiñ kawa tip kam ka Truck Driver Association West Jaiñtia Hills heiwa u Chief Adviser yong ka u Tuesday Lytep da ong u wa hawa seiñ ya kani Association man ko kam chibynta wow pynyajan para kiwa yah Truck wow man kam chi payu wei wow ya kyrchaan mar kylliang uwi ya uwi ha i lai luti.
Da ong u wa deiwa em kani ka Association daw ye u yarap hawa yachem chitom nadooh heipor wa sih kari, i ya tyrrah kari, i chah lehbeiñ la ha ka sorkar næ ki Company wa kiwi kiwi.
Da kyntu u leh ya kiwa yah kari wa hadien wa da dep wow pynchna yaka kari, ya ki moo wa pynemkaam yow chah jaam toh u noh ki cha rood sarok manda dep wow pynemkaam yaki yow lait na i maa i mynsoo ki bru kiwa lai luti kamjooh yow lait na i sñiawsih.
