Deiwa pait ya i long i man wa mih naka khlam COVID-19, ka sorkar India da dep ko wow chim kiwa boon ki rai yow khang yei lai i wan kiwa na baar ri nadooh u Thohlakhmi (Feb), 2020.
Ka sorkar katni won da chim ko ya i rai wow sdang noh u pynduna yei pyndam yaki VISA kamjooh i lai i wan suki suki deiwa chah ya kiwa na baar ri kamjooh ki nong India wow psiah kamjooh wow mih napoh ka India.
Kamtæ da chim yaka rai wow chah ya waroh ki nong India kiwa em yaka Card Overseas Citizenship of India (OCI) wa ki Persons of Indian Origin (PIO) wa ki baar ri kiwa kwah wow psiah chapoh India neibynta kiwon kiwon ki kaam lait noh kiwa psiah daka Tourist Visa wow wan lyngba na suiñ wa na ka um lyngba ki Airport wa Seaport kiwa da jied kiwa em ya ki Immigration Check Post.
Ini kynthup ko yaki lieñsuiñ hapoh ka Vande Bharat Mission, waka Air Transport Bubble namo wa ki ri wa da ya pynbait lane da kiwon kiwon ki lieñsuiñ kiwa ym toh deiwa kamai katkam wa chah ka Ministry of Civil Aviation. Waroh kini kiwa lai luti hap ki wow bood yaki kyndon wa da booh daka Ministry of Health and Family Welfare heiyatoh waka Quarantine wa kiwi kiwa yatoh wa i chait i khiah wa u COVID-19.
Hapoh ini, ka sorkar India da rai ko leh wow pynim biang ya waroh ki Visa kiwa da em chwa ki bru lait noh ki Electronic Visa, Tourist Visa wa Medical Visa. Lada kini ki VISA toh kiwa da kut por, ye wow pynthymme ya kiwa hoi na ki Indian Mission/Posts.
Ya ki baar ri kiwa thmu wow wan cha India neibynta wow yoh yei sumaar, ye ki wow yaleh yaka Medical Visa wa kynthup ya kiwa pait yaki. Kamtæ da ini daw chah ya ki baar ri wow wan ki neibynta wow leh yei khih i khan (Business), Conference, i thooh kreh, puræ puthi, i thooh bniah (Research), u yoh sumaar wa kiwi kiwi.
