Ynne ka sngi ka JSU – Syndai Unit da ksoh ko ya uwi u bru uwa na Bangladesh hadien wa psiah tooh chapoh u pood ka ri India wei da wan poi u hadooh ha ka chnong Syndai.
Ka seiñ mar yoh yutip ko yeini da lai ko wut-wut wow ksoh ya uni u bru uwa khlem kot wei da ekti noh ya oo cha Muktapur Patrolling Post hapoh i yahkhmat u Pynshailang Suliang uwa man u President, u Mebanri Suliang uwa man u Finance Secretary wa kiwi ki dkhot.
Neiliang ka seiñ da kyrpaad joor ko ya ka sorkar India wa ka sorkar jylla wow pyndep noh ya i kær naar-chieh ha u pood ka ri (International Boundary) khnang wow lait ki bru na Bangladesh u psiah tooh chapoh India neini chaphrang.
Ka seiñ da ong ko wa waroh chi kattu ki bru na Bangladesh jooh wan psiah tooh ki wei pynjæd tympra ki ya ki mar rep wa iwa em ha khappood.
