Yoh kyrdan Ph.D ka Jema Nisha Dkhar

Ka Jema Nisha Dkhar kawa man ka khon ka Kong Ridalang Dkhar wa u Ma Malcome Lyngdoh na chnong Rymbai, da yoh ko ya ka kyrdan Doctor of Philosophy (Ph.D) ha ka Education na ka skurbah North-Eastern Hills University.

Ka Jema da leh ko ya ka Thesis wa e pyrtuid: “Resilience, Self Esteem and Coping Strategies of Secondary School Students of Jaintia Hills District, Meghalaya” wei da pyndep ko yeini hei pait i yoo ka Prof. I Syiem.

Ya kani ka Ph.D da yoh pdiang ko ha ka 11 tarik uni u bnai.

Neiliang ka Jema nyngkong dooh da e khublei ko ya u Blai yei sbun u, i yahluti wa i kyrkhu wa da theh u. Da e yaroh wei e khublei kyrpang ko ya Supervisor yong ka, ka Prof. Ibadani Syiem, ka bei u pa, ka yung ka sem wa ki lok ki jor kiwa da e yei maya wei e mynsien heini i lai luti yow yoh u pyndep yei puræ puthi yong ka.

Related posts

Ha u 2028 u jop ka VPP 32 na ki 36

May 5, 2026

Kynthah u President ka VPP ya u MLA ka Nartiang wa Jowai

May 5, 2026