Yoh lut ki Company na baar jylla ya ki Contract ka PHE | Dawa ka Congress da ka Policy yow e bhah ya ki tre jylla

Ka Meghalaya Pradesh Congress Committee (MPCC) da pynbaad ko wa ki kreh namo ki Project hapoh ka jylla da yoh lut ki Company kiwa na baar katwa ki Contractor kiwa man kam ki tre jylla da pait jooh yimbaar donhi ki.

Ka Congress da kyntu ko ya ka sorkar jylla wow wanrah da ka Policy wow e bhah ya ki Project cha ki Contractor tre jylla wei da pynsñiaw ko yei sñiawkhia wa ha ka Public Health Engineering (PHE) da e kti cha ki Company na baar jylla ya ka Project kawa dapoi cha ka ₹1,900 klur.

U General Secretary ka Meghalaya Congress, u Manuel Badwar da kam u wa ini i leh ka chnat PHE da pynyoo che ko yei emyatoh yong ki bru kiwa em hei bor wa ka Company wei da kylli u leh wa ileh ki Contractor kiwa man kam ki tre chnong ym yoh bynta ki.

Related posts

Pyndep ki 30 ngut na Shkenpyrsit yei chah hikai Agritourism

June 26, 2026

Da em ka Investigation Wing wow takit yei tooh bordiñ ki bru hapoh ka jylla

June 26, 2026

U Badwar da ong u wa ka jylla Meghalaya em ko chiboon ki Contractor tre jylla kiwa ye u chimkti wei pynkreh ya kini ki kaam wei lada ka sorkar e ko cha ki Contractor tre jylla daw ku ka yoh ka kot neibhah wa e kreh ki ya ki bru kani ka jylla neibhah hawa e cha kiwa na baar daw wanrah bru ki da kiwa na baar suda.

Da kyntu ya ka sorkar wow wanrah ya ka Policy wow e bynta ya ki Contractor tre jylla hawa wanrah ya ki Project heh ha ka jylla.