Yoh National Award kawa kreh Anganwadi na Meghalaya ka Battimai Syiem

Ka Union Minister for Women & Child Development ka Maneka Sanjay Gandhi da e ko ya ka khusnam wa tip kam ka National Level Award 2016-17 to Aganwadi Worker cha ka Battimai Syiem kawa na jylla Meghalaya neibynta i krehchitom ko ha ki kaam yong ka.

Ka Battimai toh kawa kreh Aganwadi ka Madan Ing Syiem ‘A’ Mylliem ICDS Project. Ya ka khusnam da lai li chim ko ha ka yalang wa pynman ha New Delhi ynnin ka sngi.

Ka Maneka Sanjay Gandhi da e khublei ko ya waroh ki 51 ngut kiwa yoh ya kani ka khusnam deiwa pynchlur ya ki wow pteiñ yei kaam wa bha yong ki wow yarap ya ki khynnah hei chait i khiah yong ki lynga ka ICDS. Da ong ko leh wa kiwa kreh anganwadi deilang wa kiwa yarap ya ki da wanrah ki i kylla wa khroo bha ya ki khynnah khian heiwa da lait ki na kiwa boon ki kjut ki chitom.

Chooh chooh da ong ko wa hadooh katni i kaam ki anganwadi toh wow pynbiang baam ya ki khynnah wa ki manbei wa dang dep kha khon tangwa ka sorkar kattu won daw pynkylla ko ya ki Anganwadi Center yow man ki kam ki Pre-School heiwa daw esikai ya ki wa kreh anganwadi yow man ki kam kiwa sikai Pre-School.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hapoh ka ri em kamwa 27 lak kiwa kreh kam ki anganwadi deilang wa kiwa yarap ya ki ha ki 14 lak tylli ki center.