Shillong: Ka Meghalaya Tourism Development Corporation (MTDC) da ekti ko yaka bui (Report) kut snem yong ka cha ka sorkar ynne ka sngi, heiwa da kam wa da yoh nong palat T. 6 klur wei man ko leh ka yoh nong kawa rap heh dooh hawa wyrchaw wa kiwi ki snem wa da dep neibhah kawa jooh man kawa duna nong bha.
U Chairman ka MTDC u Sanbor Shullai ynne ka sngi deilang wa u Managing Director ka MTDC, u Cyril V Diengdoh, da ekti ki ha u montri rangbah ka jylla u Conrad K Sangma.
Hawa klam cha ki laad pathai khubor, u Sanbor da ong u wa i yoh nong man ko T. 6 klur tam hapoh ka ar snem, katwa ha ki por nachwa, da jooh yarap ka sorkar cha ka Corporation kamwa T. 50 lak chi snem tangwa ha kini ki ar snem, ka sorkar ym em de e yarap chooh ko neidaw wa ka Corporation da ye u pynlai bha.
Ha i jooh i por, u Sanbor da ong u wa ya ka Crowborough Hotel kawa em ha Khyndai Lad, da wai noh ha u Naikhynde 2020 wei i wai ya kani ka Hotel, daw e kaam ko ya kamwa 500 ngut ki khynroo khyllood kiwa da stap da tip kiwa ym em yoh kaam.
Ya kani ka Hotel dang chna da ka Auro Hotels waka Resorts Pvt. Ltd wei da yasoi da uwa chim wai. Hadien wa pynkrehkaam, ka MTDC daw yoh ko T. 1.73 klur chi snem kam ka bai wai.
Ya katni ka MTDC da pynlai wei e wai ko soo tylli ki Hotel wa kynthup ya ka Pinewood, State Convention Centre, Orchid Hotel waka Orchid Lake Resort wa kiwi kiwa rap khian kam ka Jiva Nongpoh, Orchid Inn Thadlaskein, Tourist Lodge Dawki wa kiwi.
U Managing Director ka MTDC u Cyril V Diengdoh da ong u waka MTDC da booh thong wow pynmih poisa T.100 klur ha kini ki 20 snem wow wan.
Discussion about this post