Ka Laban Bengalee Boy’s Higher Secondary School da yahkhmat ko yaka Result HSSLC Science yong ka Meghalaya Board of School Education (MBOSE), katwa haka HSSLC Commerce ka St. Mary’s HSS da yoh haka kyrdan kawa nyngkong haka thup yong ki Top Ten.
Haka Result yong ka Science, u Sohan Bhattacharjee da yoh u yaka kyrdan kawa nyngkong deiwa yoh 483 Marks wei da yoh u 100 Marks haka Subject Physics iwa man ka sien wa nyngkong haka Exam MBOSE wa yoh 100 na 100 haka Physics.
Haka kyrdan wa ar won da yoh u Gordon Kupar Nongbri na St. Edmunds HSS, Shillong uwa da yoh 476 Marks, katwa haka kyrdan kawa le da yoh da u Ar Meker Marpna yong ka St. Anthony’s HSS, Shillong uwa da yoh 471 Marks.
Napyrdi kiwa yakhun yaka HSSLC Science, 13 ngut kiwa yoh u psiah hapoh ka Top 10, wei na kini 9 ngut toh ki khynnah Khasi wa Jaiñtia kiwa puræ ha Shillong, Mairang wa Jowai.
Hawa yatoh won waka Result HSSLC Commerce, ka Ferry Filarisha Wanna yong ka St. Mary’s HSS da yoh nyngkong ko haka Top Ten deiwa yoh hadooh 472 Marks, katwa haka kyrdan wa ar da yoh da u Raj Paul yong ka St. Anthony’s HSS deiwa yoh 463 Marks, ha ka kyrdan kawa le da yoh da u Pongkoch Dutta yong ka Laban Bengalee Boy’s HSS uwa da yoh 458 Marks.
Na waroh kiwa yakhun yaka HSSLC Commerce, 13 ngut kiwa da yoh u psiah haka thup yong ka Top Ten, wei na kini 6 ngut toh ki khynnah Khasi wa Jaiñtia kiwa puræ ha Shillong.
Ki khynnah skur kiwa yakhun yaka Exam HSSLC Science ha uni u snem da em ki 3,766 ngut wei ka Pass Percentage dapoi ko 85.24%.
Hawa kyruiñ won cha ka HSSLC Commerce, kiwa yaleh da em ki 2,162 ngut wei kiwa lait da em 1935 ngut iwa mut wa ka Pass Percentage dapoi ko 80.26%.
Discussion about this post