theme-sticky-logo-alt
theme-logo-alt
Advertisement ad1
Advertisement ad1

Yoh nyngkong ka Sanikawan Challam ha ka yakob State Level Painting Competition

Ka Sanikawan Challam kawa puræ Class-IX ha Q.C. Springside Higher Secondary School, Jowai da jop ko ya ka 1st Prize deilang waka song poisa wa T. 50,000 ha ka yakob State Level Painting Competition wa pynman da ka Bureau of Energy Efficiency, Ministry of Power, Government of India ha ka 9 tarik uni u bnai ha NEEPCO Head Quarter, Shillong.

Ka phang pyrdi kani ka yakob toh chaphang Energy Conservation kawa da yabhah ha ka Group A (Class-V hadooh Class-VII) wa Group B (Class-VIII hadooh Class-X).

Ya ka Group A da phah wow dro dur hajrong ka phang “Azadi Ka Amrit Mahotsav-Energy Efficient India” katwa ka Group B won ka phang toh “Azadi Ka Amrit Mahotsav-Cleaner Planet”.

Kiwa jop ha ka Group A wa Group B da yoh ki T. 50,000 ya ka 1st Prize, T. 20,000 ya ka 2nd Prize wa T. 7,500 ya ka 3rd Prize.

Ka Sanikawan toh ka khon u Ohiwan Lamar waka Maryoda Challam kiwa na Chilliangraij, Jowai.

Share this:
Previous

Ki thaw wa em kiwa na baar ri wa sah hap ki wow pyntip cha u SP

Next

Da krehkaam pura ka Meghalaya State Consumer Disputes Redressal Commission