Jowai: Ha i step synyaw ynne ka 20 tarik heipor 3 waje i step, ki pulit ka South Garo Hills Police, heipor wa pynman ki ya sylli ya ki kari wa lai wa wan da yoh ki wow pyllait ya u mrad khloo wa tip kam u Pangolin dei ktien phareng u Rbai (uwa baam thku) dei ktien Pnar na ki 5 ngut ki bru wa thmu wow khayi tooh ya oo, wei uni u mrad toh uwa da em hei maa wow dooh jait noh (Endangered Animal).
Ki pulit da pyntip ki wa kini ki 5 ngut man ki chibynta ki bru wa challan tooh ya ki mrad khloo wei u Rbai toh uwa ye dai bha cha baar ri kam cha China.
Ya uni u mrad daw e kti cha ka chnat Wild Life Department wei ka takit dang lai ko cha khmat wow chemdien chooh chooh ya kiwa emkti lang ha kani ka kaam.
Ya kini ki 5 ngut da yoh kem yaki heipor wa dang lai luti ki da kawi ka kari Bolero Pickup ha Nongalbibra, South Garo Hills yow lai ki cha Assam yow dai ya uni u mrad.
Kiwa chah kem toh u Abdul Sanjiv Prodany (25 snem) Md Johdul Ali (22 snem), u Mainur Rahman (45 snem), Hachen Ali (32 snem) kiwa na Assam wa u Dipson A Sangma (39 snem) na Dosogre, SGH.
Discussion about this post