Ki dkhot ka KSU Delhi Unit da pyntip ki wa hei janmiet ka 14 tarik uni bnai da yoh Phone ki na kawi ka kynthai kawa da ong toh kawa na East Jaiñtia Hills kawa da khana wa em ki bru wa booddien ka wei da suba ko wa kwah ki u dat ka næ wow leh kiwon kiwon ki kaam pynmynsoo.
Kamtæ da pyntip ki dkhot ka seiñ cha ki pulit ka Delhi wei dapoi ha kani ka thaw wei da chem ya kani ka kynthai, heiwa da pyntip ko wa da wan ko cha Delhi yow thooh kreh tangwa da chah pynkreh ko ha ki kaam dakait kaam dai doh.
Ka President ka KSU Delhi Unit, ka Marbiang Khongwir da pyntip ko wa da phah ya kani ka kynthai wow pynyoo ya ini i thaw wa pynkreh ya ka wei da psiah leh cha kani ka yung wa em boon mala tangwa kopsar neidaw wa da tip kini ki bru wa daw wan ki pulit, da man noh ki thaw sah wa da khang tala wei da tied dwar wei da yang kamwa chiteiñ kynta wa ki pulit ym em wa wai.
Ya ini i kaam da e kti noh cha ki pulit wei ya kani ka bru won da booh ka ha iwi i thaw wa man chngaaiñ wei manda yoh bor na ki pulit daw phah liwan ka cha yung ko.
Hajrong ini wa da jia biang kam ini i kaam, neiliang ki dkhot ka seiñ da kyntu ki ya kiwa thooh kreh wow man kiwa syndong wei wow thooh bniah yow lait u jia ma jia kamni wei da kyrpaad leh ya ka sorkar wow chimkhi ko heiyatoh wa ini.
Puræ leh: Yoh pynlait ya ka kynthai kawa na East Jaiñtia wa chah kset yabor ha Delhi
Discussion about this post