Yoh pynlait ki pulit ya ka kynthai kawa chah kset ha uwi u bru ha Meerut

Kawi ka kynthai kawa na East Khasi Hills ha ka 7 Duyatra (Jan) da lai ko cha nongbah New Delhi chirup wa kawi kawa hayung ko wow kreh ha kawi ka Company.

Manda poi heitæ da yatipmit ko wa uwi u para wakreh ko, u Adnand la kamwa chi bnai ar bnai.

Hadien kattu katni por chwa ka Lockdown da khut u ka wow laike wei da yah u ka cha Meerut, Uttar Pradesh heiwa da kset u ka ha iwi i kamra heiwa da leh khlemakor u ya ka khlem yoh ko wow yut.

Ha u Naisaphra kani ka kynthai da yoh ko wow Message ya ka bei ko wei ha ka 26 Naisaphra da booh ya ka ujor FIR ha Madanriting PS.

Related posts

Chah kem u Pastor wa slaitbor ya ka khynnah wa dang 16 snem ha Assam

June 30, 2025

Hakhmat u pa chah ah rdang kawi ka kynthai hadooh wa yap ha u bru wa paan yalait chan ko

June 30, 2025

Hadien wa yoh ya ka FIR ha Madanrting PS, da Register ya ka Zero FIR wei da phah ya ka cha u Superintendent of Police, Meerut, Uttar Pradesh wow leh yeiwa emkaam wei da yoh u pynlait ya ka wei da kem leh ya u Adnand.

Hadien wa da yoh u pynlait ya ka, da wanrah ya ka cha Shillong na New Delhi lyngba na Guwahati. Ya uni u bru da kem wei da pynngat ya oo hapoh ar tylli ki kyndon wei katni em u hapoh ka Judicial Custody.