Uwa yalehbol ka Israel, u Sayed Abu Farchi da chah beh u na madan ha ka yalehke wa ka Austria ha ka lympung UEFA Nations League ynnin ka sngi hadien wa lehkmen u neiwa yoh u thap chi Goal.
U Abu Farchi da phet u cha Corner hadien wa thap Goal heiwa da kyrchon u wow sai ya ka lama Corner wei da pyndur u ya ka kam ka suloi tangwa em kiwa da ong wa leh u kamwa yalehke Pool/Billiards.
Neiliang u Referee da phet u cha u Abu wow sai ya ka Yellow Card wa ar wa yoh u pynbood sa ka Red Card iwa pynman ya ka Israel wow yalehke ko hawa kut du 10 ngut donhi.
Ka Austria da jop ko ya ka yalehke da 3-1.
Kiwa boon ha Social Media da yania ki yeini deiwa ong ymtoh leh u kam wow siat suloi tangwa kamwa siat Pool/Billiards tangwa kiwa ym em yachah Israel da ong ki wa leh u kam wow siat.
Em leh kiwa da ong wa kiwi kiwa yalehke da jooh leh ki kamni tangwa ym em yoh Red Card ki.
Discussion about this post