Ka Meghalaya State Rural Livelihoods Society (MSRLS) da yoh ko ya ka Runner-Up Award ha ka Small State Category yeiwa lehbha ko wow pynkrehkaam ya ka Prime Minister’s Formalisation of Micro Food Processing Enterprises (PMFME) Scheme, ha ka PMFME Conclave wa da pynman ha New Delhi ha ka 24 wa 25 tarik uni u bnai.
Ya kani ka Award da pdiang neibynta ka jylla da u Ronald Kynta, Chief Operating Officer wa ka Rinky Kyndait, State Mission Manager – Non-Farm Livelihoods, MSRLS, kawa da e da u Chirag Paswan, Union Minister of Food Processing Industries (FPI) deiwa emlang kiwa chah khut sñiawbha.
Kani ka PMFME Conclave toh kawa da pynman deiwa emlang leh kiwa boon kiwa pynkrehaam ya kni ki kaam nadooh ki Financial Institution, ki Incubation Centre, ki Market-Access Experts wa ki Self-Help Group (SHG), heiwa da yaklam heiyatoh wa i e ram wa ki Subsidy, i yahluti ya kiwa seiñ khih, ki yaaw ki haat wa ka One District One Product (ODOP) deiwa yaklam leh chaphang ki Micro Food Processing.
Ya kani ka yalang da wan wai da u Chirag Paswan, Minister, FPI, wei ya ki ktien wai phang da yoh na u Devesh Deval, Joint Secretary, FPI, heiwa da pynbood da kiwa boon ki ya phyllu yow pynchlur ya kiwa seiñ khih deiwa khana ya ki ya ki laad yarap ha kini ki ar sngi.
Ka Meghalaya da yoh ko yei naam Runner-Up hajrong iwa biang i pynkrehkaam ya ki Self-Help Groups, i kyrchaan ya kiwa pynmih ya ki karkhana wa pynmih baam deilang i pynkrehkaam ya ka PMFME Scheme ha waroh kawi ka jylla (Non-farm livelihoods ecosystem).
Discussion about this post