15 49.0138 8.38624 1 0 4000 1 https://wyrta.com 300 0

Yoh sikai ki pulit yow lait na i chitom wa ban khia i kaam ha ki thaw kreh

0 Comments

Jowai: Chi wynta wow pyndooh pyndam yei chitom hei bor pyrkhat u bru wa mih neidaw i chah ban khia i kaam haki thaw kreh, kamjooh leh wow yada nei thmu pynkut yabor ki bru yei mynsien, ynnin ka sngi ka kynhun yong ka District Mental Health Programme, Jowai Civil Hospital Ialong wa hap hapoh ka District Medical & Health Officer, West Jaintia Hills da pynman ki yaka yalang pynsñiawthooh chaphang ini i kjut i chitom ha Conference Hall ka yung krehkaam u SP, Jowai hajrong ka phang ‘Stress Management at Workplace with Suicide Prevention’.  

Ha kani ka pynsñiawthooh da emlang u Superintendent of Police West Jaiñtia Hills, u Lakador Syiem, u DSP Head Quarter u M.J. Marngar, DSP u D. Moksha, ki sahep pulit kamjooh kiwi wa kreh hapoh ki pulit.

Advertisement ad1

Ki bru chemphang napoh ka District Mental Health Programme wa kynthup yaka Dr. (Mrs) A.M. Pasweth, Psychiatrist (Nodal Officer), ka Diana R Tongper, Psychiatric Social Worker waka Shelomi Syngkon, Clinical Psychologist, haka yalang wa pynlai da u Dr. E. Dann, Programme Officer, da e ki yei klam wei batai bniah lyngba ki PowerPoint Presentation wa kammon i chah ban khia i khih i kreh ktah ko yei bor pyrkhat wei kylla man ka kjut ha u bru, wei  heijooh i por leh da batai ki wa kammon u pyndooh pyndam yaka.  

Da ong wa i chah ktah i bor pyrkhat pyrdaiñ toh kawa emkaam bha u yoh yada neibhah ye ko wow yah ya u bru chei pyntkut yabor yei mynsien. Neitæ hawa yoo yaki bru wa em i chah ktah hei bor pyrkhat emkaam u jan cha ki kaam kiwa yarap wei u pynsñiawthooh wei wym hoi wow yoobeiñ. Neibhah hawa yoh yei bor pyrkhat wa khlan pynmyntoi ko ym du ya ki wakreh tangwa ka pynbha pynmiat haroh ko yaki rukom krehkaam wa bha haki yung krehkaam.

Ka Shelomi Syngkon, Clinical Psychologist da ong ko wa i chitom hei bor pyrkhat ye ko u ktah ya uwi pa uwi u bru kamjooh ye ko u ktah ya waroh i rta nadooh kynthai wa chynrang.

Heijooh i por da batai haroh ko hajrong ki 4 tylli ki bynta i kjut wa mih na i khia i khih i khan kiwa khut dei ktien English kam i Stress kiwa em soo jait, ka Eustress, Distress, Hyperstress waka Hypostress, heiwa ka Eustress toh kawa bha wa mih na ki bru manda hun ki yei kaam wa kreh ki, katwa kiwi won ki jait Stress toh u kiar wei wow e yarap hawa suba wa u bru em u ka khnang yow ye u khanglaad yei tthmu pynkut yabor yei mynsien. 

Kamtæ da kyntu ko yow man ki bru wa skem wei kiwa ha khlieh dooh wow yah luti ya jar i im, wei wym toh e laad da kiwi u yah luti. Yow lait yeini toh u yakhun pynchkeh bha hawa wan i bor wa thmu wow pynchitom yei bor pyrkhat yong i.

Advertisement ad1

0 Comments

Leave a Reply