Kam chibynta wow pynman ya ki baam wa da e ha ki Mid Day Meal kiwa bha wa tei ya i doh i pran ki khynnah skur, neiliang ka Society for Urban & Rural Empowerment (SURE), Jowai deiwa ya krehlang wa ka North East Slow Food Agrobiodiversity Society (NESFAS), Shillong da lai ki wow pynchlur wow sdang da i kpær pyn ha i thaw ka skur yow yoh u e lang da ki jhoor wa da thung ha ki ja sngi ki khynnah.
Sa iwi wa da leh toh yow pynchlur u chet pyn da ki jhoor wa mih wa rep pyn hapoh ka chnong manda pynkhreh ya ka Mid Day Meal.
Kamtæ ka SURE waka NESFAS da pynman ki da ka ‘More Nutritious Mid Day Meals Campaign’ deiwa lai cha kiwa boon ki chnong heiwa kiwa sikai wa kiwa chet baam Mid Day Meal da chimbynta ki hei chah sikai chet kawa da sdang nadooh ka 22 tarik uni u bnai ha chnong Mupyut wa Mustem.
Da em kamwa 68 ngut kiwa da chimbynta ha kini ki ar chnong wa kynthup ya kiwa sikai skur, kiwa chet baam Mid Day Meal, ki kynthai wa punkhon, kiwa dang e bu wa ki khynnah skur.
Da chimbynta da 10 tylli ki skur wa kynthup ya ka Niawshnong Mupyut Secondary School, SSA Mupyut Mihngi, ka Shisha LPS, Mupyut Govt. LP School, Mupyut, ka LP School Govt., Umsalang, ka SSA LP School, LP School Govt., Upper Primary School na Skhenpyrsit, ka Dongnongpluh SSA LP School, Govt. LP School na Mustem wa Govt LP School Muphlang
Daw pteiñ ya ini i jooh sa ha Khonglah, Nongbareh, Moosakhia wa Samanong.
