Yoh sikai ki warep ya ka aiñ wow yada yei mantre ki ya ki symbe jhoor wa pynmih ki

Jowai : Kam chibynta wow yada yei hok ki warep yow man ki kam ki tre ya ki symbe kamjooh ki jait jhoor wa pynmih ki ynne ka sngi ha Community Hall, Khliehrait West ka ophis ka Krishi Vigyan Kendra, Jaintia Hills da e sikai ki ya ki warep hei yatoh wa ka aiñ Protection of Plant Varieties and Farmer’s Right Act, 2001.

Katkam i bor kani ka aiñ da e hok ya ki warep wow tipmit ya ki kam ki tre symbe næ ki tre ya ki jhoor wa pynmih ki kiwa pher na kiwi kamjooh kiwa ym em chem cha kiwi ki thaw.

Ki le tylli kiwa emkaam (criteria) yow yoh yeini i hok wow kamtre toh 1. I symbe ki jhoor wa thung toh u man uwa pher na kiwi han lada da em u cheiwi i thaw. 2. Toh u man i bang ne i heh wa kiwi ki jinglong u iwa ryntih na ka snem cha ka snem 3. Toh u man uwa ye u mih man ka snem khlem yap kjut.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Lada ye u pynhun ya kini ki le tylli kiwa emkaam ki warep ye ki u lai cha khamt wow register ya uni u jhoor næ symbe.

Ki hok wa yoh ki warep deiwa register toh da tipmit ya ki kam ki tre, ym em de wa ye pynemkaam ya ki jhoor næ ki symbe khlem yohbor na ki tre, ym em ki stad science wa ye u pynmih symbe thymme na kini ki symbe khlem da su chwa cha ki tre, ki tre ye ki u dai kat cha wa em chadooh cha bar ri leh wei wa ym em wa ye u khang ya ki.

Deiwa em kani ka aiñ yooluti wa daw pynchlur ki warep u pynneh pynsah ya ki symbe jhoor wa da em ki nadooh warim yow lait ki u wiar jait.

Ya ini i registration ye u leh lada em ki warep da ka seiñ yong ki leh.

Ya kani ka esikai da wan wai da ka kong D. Syiemiong, Director of Agriculture, Government of Meghalaya.